26 январь, шанба куни Германия чемпионатининг 19-тур баҳслари доирасида 6 та ўйин бўлиб ўтди.
Мусобақа жадвалида яққол пешқадамлик қилаётган Дортмунднинг «Боруссия» клуби ўз майдонида «Ҳанновер»ни синовдан ўтказди.
Учрашувнинг 24-дақиқасида Ашраф Ҳакими Рафаэль Геррейру узатмасини голга айлантирди (1:0) ва ҳисобни очди.
2-бўлимнинг 60-дақиқасида эса Марко Ройс рақиб дарвозасига жамоасининг иккинчи голини урди. Орадан 2 дақиқа ўтиб, Жейдон Санчо икки нафар футболчини алдади ва тўпни Марио Гётцега қулай тарзда ошириб берди. Ҳужумчи бундан унумли фойдаланиб, дарвозани ишғол қилди (3:0).
67-дақиқада «Боруссия Дортмунд» ҳимоячиси Рафаэль Геррейру Михаэл Эссер қўриқлаётган дарвозага тўп киритди (4:0). 86-дақиқада эса «Ҳанновер» клуби аъзоси Марвин Бакалорц жамоасининг ягона голига муаллифлик қилди. Беллашувнинг 90-дақиқаларида Аксел Вицелнинг узоқ масофадан чиройли гол уриб, ўйинга якуний нуқтани қўйди.
Иккинчи учрашув Диетер Ҳекинг бошқарувидаги «Боруссия Мюнхенгладбах» ва «Аугсбург» қаршилиги остида ўтди.
Учрашувнинг 78-дақиқасида Оскар Бендт ҳисобни очган бўлса, 90-дақиқаларга келиб Патрик Ҳерманн 2-голга муаллифлик қилди.
Шу тариқа «Боруссия Мюнхенгладбах» ўз майдонида «Аугсбург» устидан ишончли ғалабани қўлга киритди.
27 январь, якшанба куни Мюнхеннинг «Бавария» клуби мусобақа жадвалида хавфли ҳудудда бораётган (16-ўрин) «Штутгарт» билан беллашади. Тўқнашув 19:30 да старт олади.
Бундеслига
19-тур баҳслари
26 январь, шанба
«Боруссия Д»—«Ҳанновер» 5:1
Голлар: 1:0 — 24 Ҳакими, 2:0 — 60 Ройс, 3:0 — 62 Гёце, 4:0 — 67 Геерйру, 4:1 — 86 Бакалорц, 5:1 — 90 Вицел.«Боруссия М»—«Аугсбург» 2:0
Голлар: 1:0 — 78 Бендт, 2:0 — 90 Ҳерманн.«Фрайбург»—«Ҳоффенҳайм» 2:4
Голлар: 0:1 — 19 Жоэлинтон, 1:1 — 42 Ҳолер, 1:2 — 59 Крамарич, 1:3 — 72 Крамарич, 2:3 — 77 Нидерлехнер, 2:4 — 85 Демирбай.«Майнц»—«Ньюрнберг» 2:1
Голлар: 1:0 — 12 Бросински, 1:1 — 43 Маргрейтер, 2:1 — 73 Квайзон.«Вольфсбург»—«Байер Леверкузен» 0:3
Голлар: 0:1 — 45 Ҳеверц, 0:2 — 62 Фолланд, 0:3 — 88 Брандт.«Вердер»—«Айнтрахт Ф» 2:2
Голлар: 1:0 — 27 Эггештайн, 1:1 — 35 Ребич, 2:1 — 52 Ҳарник, 2:2 — 68 Ҳаллер.27 январь, якшанба
«Бавария»—«Штутгарт» 19:30
«Фортуна Д»—«Лейпциг» 22:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)