24-yanvar kuni BMT Bosh kotibi Antoniu Guterrish Venesueladagi siyosiy inqirozni muzokara orqali hal etishga chaqirdi. Bu haqda TASS xabar berdi.
U Venesueladagi vaziyat va mamlakat fuqarolari ahvolidan xavotirda ekanini bildirib, siyosatchilarni muzokaraga chaqirgan.
“Umid qilamizki, muzokara o‘tkazishning imkoni bo‘ladi va mamlakat tang ahvolda qolmaydi”, — deydi BMT Bosh kotibi.
Shuningdek, AQSh va boshqa bir qator davlatlarning Venesuela muxolifat yetakchisi Xuan Guaydoning prezident vazifasini bajaruvchi deb tan olganiga to‘xtalib o‘tib, suveren davlatlar boshqa davlatlarga nisbatan munosabatini bildirish huquqiga egaligini aytgan.
Izoh (0)