Namangan muhandislik-qurilish institutida Namangan va Xorazm viloyatlari o‘rtasida Qurolli Kuchlar tashkil etilganining 27 yilligiga bag‘ishlangan videomuloqot tashkil etildi. Bu haqda “Daryo”ga viloyat xotin-qizlar qo‘mitasi mutasaddilari ma’lum qildi.
Qo‘mita, viloyat Mudofaa ishlari boshqarmasi va Yoshlar ittifoqi viloyat kengashi hamkorligida o‘tkazilgan tadbirda Namangan va Xorazmda yigitlik burchini o‘tayotgan askarlar, ularning ota-onalari, yaqinlari, jamoatchilik vakillari, yoshlar ishtirok etdi.
— Harbiy xizmat davomida tartib-intizom, qat’iyatni o‘rgandim, – deydi Namanganda xizmat qilayotgan xorazmlik Rahim Niyozmetov. — Ota-onam, Prezident va xalqimiz bildirgan ishonchni oqlab, yurt tinchligi va chegaralar daxlsizligini saqlashga o‘z hissamni qo‘shayotganimdan xursandman.
San’atkorlar ijrosidagi kuy-qo‘shiq va raqslar tadbirga bayramona kayfiyat bag‘ishladi.
Izoh (0)