“Asia tour Elite” o‘zbek kompaniyasi tomonidan “Zangiota termal sog‘lomlashtirish majmuasi” loyihasini amalga oshirishga belgiyalik maslahatchi jalb qilinadi. Bu haqda Tashqi ishlar vazirligi matbuot xizmati xabar berdi.
Xorijiy maslahatchini jalb qilish bo‘yicha kelishuv 2019-yilning 5-yanvar kuni O‘zbekiston Respublikasining Benilyuks mamlakatlaridagi elchixonasida imzolangan.
Kelishuv doirasida maslahatchiga turistik majmuani qurishda yirik xalqaro investorni aniqlash, shuningdek investitsion memorandum bo‘yicha majmuaviy xizmatlar ko‘rsatish, yuridik hujjatlarni ishlab chiqishda ko‘mak ko‘rsatish kabi vazifalar yuklatilgan.
Zangiota termal sog‘lomlashtirish majmuasi O‘zbekistondagi yirik sog‘lomlashtirish SPA majmuasi bo‘ladi.
Uning xizmatlaridan nafaqat O‘zbekiston balki qo‘shni davlat fuqarolari ham foydalanishi ko‘zda tutilgan. Loyiha sanator tipidagi 400 o‘rinli mehmonxona, sog‘lomlashtirish muolajalarni ko‘rsatishga mo‘ljallangan majmua qurilishini o‘z ichiga oladi.
Izoh (0)