Namangandagi umumta’lim maktablarida o‘quvchilarning qishki ta’tili yakunlanishi bilan tibbiy ko‘rik boshlanadi. Bu haqda “Daryo”ga viloyat sog‘liqni saqlash boshqarmasi axborot xizmati xabar berdi.
11-yanvardan to aprelga qadar davom etadigan chuqurlashtirilgan tibbiy ko‘rikka barcha o‘quvchilar jalb etiladi.
—Muhim tibbiy jarayonga har qachongidan ham puxta tayyorgarlik ko‘rildi, — deydi boshqarma bosh mutaxassisi Nuriddin Qahhorov. — Avvalo, o‘quvchilarga oid to‘liq ma’lumotlar elektronbazasi yaratildi. Hech bir bola nazardan chetda qolmaydi. Eng tajribali shifokor va mutaxassislardan iborat tibbiy brigadalar tuzildi. Ular viloyatning cheka hududlariga ham safarbar etiladi.
Mazkur tadbirning izchil amalga oshirilishi maxsus shtab tomonidan nazorat qilib boriladi. Kasalligi aniqlangan o‘g‘il-qizlarni tuman, viloyat va zarurat tug‘ilgan taqdirda respublika shifoxonalarida sog‘lomlashtirish ko‘zda tutilmoqda.
Izoh (0)