Намангандаги умумтаълим мактабларида ўқувчиларнинг қишки таътили якунланиши билан тиббий кўрик бошланади. Бу ҳақда «Дарё»га вилоят соғлиқни сақлаш бошқармаси ахборот хизмати хабар берди.
11-январдан то апрелга қадар давом этадиган чуқурлаштирилган тиббий кўрикка барча ўқувчилар жалб этилади.
—Муҳим тиббий жараёнга ҳар қачонгидан ҳам пухта тайёргарлик кўрилди, — дейди бошқарма бош мутахассиси Нуриддин Қаҳҳоров. — Аввало, ўқувчиларга оид тўлиқ маълумотлар электронбазаси яратилди. Ҳеч бир бола назардан четда қолмайди. Энг тажрибали шифокор ва мутахассислардан иборат тиббий бригадалар тузилди. Улар вилоятнинг чека ҳудудларига ҳам сафарбар этилади.
Мазкур тадбирнинг изчил амалга оширилиши махсус штаб томонидан назорат қилиб борилади. Касаллиги аниқланган ўғил-қизларни туман, вилоят ва зарурат туғилган тақдирда республика шифохоналарида соғломлаштириш кўзда тутилмоқда.
Изоҳ (0)