Nukusda avtobus qatnovi yo‘lga qo‘yildimi?

Nukusda yo‘nalishdlarda asosan Damas avtomobillari i qatnaydi. Nima uchun avtobuslar qatnovi yo‘lga qo‘yilmagan? O‘zA ushbu savol bilan Qoraqalpog‘iston Respublikasi Vazirlar Kengashi raisi Qahramon Sariyevga murojaat qildi.

—Prezident Shavkat Mirziyoyev huzurida 2018-yil 28-avgust kuni o‘tkazilgan yig‘ilish bayoniga muvofiq, “O‘zavtotrans” agentligi Qoraqalpog‘iston Respublikasi boshqarmasi tomonidan “Avtotrans Chimboy” unitar korxonasi tashkil qilingan.

2018-yil 1-dekabrga qadar ushbu korxonaga 50 ta Isuzu rusumli avtobus sotib olindi. Nukus shahrida jamoat transporti yetishmovchiligi bo‘lgani va ertalabki hamda kechki paytlarda aholiga muammo tug‘dirayotganligi sababli ushbu xarid qilingan 50 ta avtobus Nukus shahriga 10 ta yo‘nalish bo‘yicha yo‘lovchi tashish xizmati uchun qo‘yildi.