29-dekabr, shanba kuni futbol bo‘yicha Angliya premyer ligasining 20-tur bahslari boshlanadi.
APL musobaqa jadvalida 2-o‘rinda borayotgan Londonning “Tottenhem” klubi o‘z maydonida “Vulverhempton” jamoasini qabul qiladi. Uchrashuv Toshkent vaqti bilan soat 20:00 da boshlanadi.
Turning markaziy o‘yini “Enfild” stadionida kechadi. Unda APL 1-davrasini chempion sifatida yakunlagan Muhammad Saloh yetakchiligidagi “Liverpul” jamoasi 5-o‘rindagi Londonning “Arsenal” klubi bilan jang qiladi. O‘yinga 22:30 da start beriladi.
30-dekabr, yakshanba kuni Londonning boshqa bir klubi — “Chelsi” esa “Kristal Pelas” mehmoni bo‘ladi. Bellashuv 17:00 da boshlanadi.
Ketma-ket 2 turda mag‘lubiyatga uchragan Xosep Gvardiola boshchiligidagi “Manchester Siti” safarda “Sauthempton” jamoasini sinovdan o‘tkazadi. Bahs 19:15 da boshlanishi belgilangan.
Turning so‘nggi o‘yini “Manchester Yunayted” va “Bornmut” o‘rtasida kechadi. O‘yin 21:30 da boshlanadi. Eslatib o‘tamiz, “qizil iblislar”ga yangi murabbiy(Ole-Gunnar Sulsher) tayinlangandan so‘ng, ikki turdan buyon yirik hisobda(5:1, 3:1) g‘alaba qozonib kelmoqda.
APL
20-tur bahslari
29-dekabr, shanba
“Brayton”—“Everton” 20:00
“Uotford”—“Nyukasl” 20:00
“Fulhem”—“Haddersfild” 20:00
“Lester”—“Kardiff Siti” 20:00
“Tottenhem”—“Vulverhempton” 20:00
“Liverpul”—“Arsenal” 22:30
30-dekabr, yakshanba“Kristal Pelas”—“Chelsi” 17:00
“Sauthempton”—“Manchester Siti” 19:15
“Byornli”—“Vest Hem” 19:15
“Manchester Yunayted”—“Bornmut” 21:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)