“Jamoat xavfsizligini ta’minlash samaradorligini oshirish bo‘yicha qo‘shimcha chora-tadbirlar to‘g‘risida”gi Prezident qaroriga muvofiq profilaktika inspektorlarining yordamchilariga tegishli tavsiyaga asosan ichki ishlar organlarining oliy ta’lim muassasalari, jumladan, kasbiy tayyorgarlik fakultetiga kvota asosida o‘qishga kirish huquqi beriladi. Bu haqda “Huquqiy axborot” kanali xabar berdi.
Shuningdek, har bir mahallada “Fidokor yoshlar” jamoatchilik patrul guruhlari shakllantiriladi.
Hujjatga muvofiq, barcha darajadagi hududiy ichki ishlar organlarining rahbar xodimlari hamda profilaktika (katta) inspektorlarini qayta tayyorlash va ularning malakasini oshirish faqat Ichki ishlar vazirligining Malaka oshirish instituti filiallarida (auditoriyalarida) uzluksiz asosda amalga oshiriladi.
Shuningdek, Ichki ishlar vazirligining akademik litseylarida xodimlarning malakasini oshirish bo‘yicha direktor o‘rinbosari lavozimi joriy etiladi.
Qaror bilan profilaktika (katta) inspektorlari uchun har yili Ichki ishlar vazirligi Akademiyasida sirtqi ta’lim olishga qabul qilinadigan xodimlar (harbiy xizmatchilar) umumiy sonining 15 foizi miqdorida qabul kvotasi ajratiladi.
Izoh (0)