Samarqandda haydovchi boshqaruvni eplay olmasligi natijasida avtomashina ag‘darilib, ikki kishi jarohat oldi, deb xabar berdi IIV Jamoatchilik va ommaviy axborot vositalari bilan aloqalar boshqarmasi.
Samarqand shahrida 25-dekabr kuni Oqdaryo tumanida yashovchi Sh.T. boshqaruvidagi Damas rusumli avtomashinani Samarqand halqa yo‘lida haydab ketayotib, boshqaruvni eplay olmay ag‘darilib ketgan va qarama-qarshi yo‘nalishdan harakatlanib kelayotgan Mercedes-Benz rusumli yuk avtomashinasi bilan to‘qnashuv sodir etgan.
Natijada Damas avtomashinasi yo‘lovchilari O.A. jarohat olib, kasalxonaga yotqizilgan, A.H.ga esa tibbiy yordam ko‘rsatilgan.
Mazkur holat yuzasidan dastlabki tergovoldi harakatlari olib borilmoqda.
Izoh (0)