O‘zbekistonda 2021-yilda inflyatsiya bir xonali raqam chegarasiga yetishi kutilmoqda

O‘zbekiston Respublikasi Markaziy bankining Pul-kredit siyosati boshqarmasi boshlig‘i Rustam Mahamadiyev Markaziy bankning inflyatsiya bo‘yicha prognozlari va pul-kredit siyosatining samaradorligiga ta’sir etuvchi omillar xususida so‘zladi, deya xabar berdi “Sputnik”.

Markaziy bankning asosiy maqsadi narxlar barqarorligini ta’minlashdir. O‘rta muddatli istiqbolda MB inflyatsiya targetlanishiga o‘tishni rejalashtirmoqda — bu pul-kredit siyosatining rejimi bo‘lib, unga ko‘ra Markaziy bank inflyatsiya bo‘yicha maqsadlarni belgilaydi va unga erishish uchun barcha sa’y-harakatlarni amalga oshiradi.

Keyingi yil biz yil natijalariga ko‘ra 13,5—15,5 foiz darajasidagi, 2020-yilda 10—12 foiz darajadagi inflyatsiyani prognozlayapmiz. 2021-yilda inflyatsiya bir xonali raqam chegarasiga yetishi kutilmoqda.

Markaziy bankning dollarlashtirish darajasini pasayishidan manfaatdor ekanligini ta’kidladi, sababi u pul-kredit siyosatining samaradorligiga, uni yetkazish mexanizmiga ta’sir ko‘rsatadi. Markaziy bank bu yo‘nalishda aniq qadamlar tashlamoqda.

Rustam Mahamadiyev, Markaziy bank Pul-kredit siyosati boshqarmasi boshlig‘i