6-dekabr kuni Toshkentda “Avtoelon.uz” platformasi hamda Qozog‘istonning “Kolyosa|Krisha |Market” IT-kompaniyasi taqdimoti bo‘lib o‘tdi.
“Kolyosa” — Qozog‘istonda asos solingan IT kompaniya. Uning tarkibiy tuzilmasiga ‘kolesa.kz’, ‘krisha.kz’, ‘market.kz’ saytlari kiradi.
Ushbu maydonchalar Qozog‘istondagi ko‘chmas mulk, avtomobil va boshqa tovarlar oldi – sotdisi bo‘yicha xizmatlarni o‘z ichiga oladi.
Saytda oldi-sotdi borasidagi 6 mingdan ortiq e’lonlar joylashtirilgan.
Yangi loyiha afzalliklari va O‘zbekiston bozoridagi faoliyat istiqbollari haqida “Kolyosa” mas’uliyati cheklangan shirkati direktori Nikolay Babeshkin so‘zlab berdi.
“ ‘Avtoelon.uz’ onlayn-platformasining asosiy ijobiy tomoni uning tezkorligida bo‘lsa kerak. Hamma e’lonlar moderator nazoratidan so‘ng, 5—7 daqiqa ichida saytda paydo bo‘ladi. Sotuvchi va xaridorning o‘zaro muloqot qilishi uchun maksimal darajadagi qulay sharoitlar yaratilgan. Filtrlarning ko‘pligi foydalanuvchilarga avtomobilning kerakli rusumini yoki ehtiyot qismini tez topish imkonini beradi”, — deydi Babeshkin.
Ta’kidlash zarur, “Avtoelon.uz”— faqatgina avtomobil va uning ehtiyot qismlari oldi-sotdisi uchun virtual maydoncha hisoblanadi. Saytda, shuningdek, nafaqat Toshkent, balki Guliston, Navoiy, Chirchiq shaharlaridagi ta’mirlash xizmatlari haqidagi e’lonlar joylashtiriladigan bo‘lim ham bor.
Taqdimot marosimida O‘zbekiston biznes-hamjamiyati vakillari, IT-mutaxassislari, turli soha ekspertlari ishtirok etdi.
Ular yangi mahsulotga katta qiziqish bildirdi. O‘zbekiston bozoriga xorijiy investorlar kerakligi alohida qayd etildi.
Spikerlarga ko‘plab savollar berildi. Ulardan biri loyihani moliyalashtirish haqida bo‘ldi. Qozog‘istonda “Kolesa.kz” sayti reklama va saytdagi pulli opsiyalar evaziga pul ishlaydi. O‘zbekistonda dastlabki bosqichda bu ko‘zda tutilmagan.
O‘zbekiston internet-kengligida turli savdo maydonchalari, e’lonlar xizmatlari faoliyat yuritadi. Biroq “Avtoelon” — O‘zbekiston avtobozori uchun mahsulot: sayt va mobil dastur. Resurs e’lonlarni joylashtirish va tarqatish xizmatlarini ishlab chiqish sohasida 20 yillik tajribaga ega professionallar tomonidan yaratilgan.
Bir so‘z bilan “Avtoelon” – jismoniy shaxslar va kompaniyalar e’lonlari, aksessuarlar, ehtiyot qismlar, moto va maxsus texnika, shuningdek avtomobilga xizmat ko‘rsatish bo‘yicha mashina sotayotgan va sotib olmoqchi bo‘lgan kishilar uchun ma’lumotlar blogi.
Sayt va mobil dastur bir baza va bir xil funksional bilan ishlaydi.
Reklama huquqi asosida.
Izoh (0)