Bekobod shahar IIB huzuridagi Tergov bo‘limi zamonaviy texnika vositalari bilan jihozlanib, foydalanishga topshirildi. Bu haqda Toshkent viloyat IIB matbuot xizmati xabar berdi.
Bo‘lim tergovchi xodimlar uchun xizmat xonalari, maxsus tergov xonasi va operator xonalaridan iborat. Tergov bo‘limi jarayonni stenografiya qilish, videonazorat, shuningdek, tergov harakatlarini audio va video shaklda yozib olish usukunalari bilan jihozlangan elektron dastur asosida ishlaydi.
Xonalarga kuzatuv kameralari o‘rnatilgan, ular orqali tergov jarayoni yozib boriladi.
Yangi tizim tergov qilinayotgan shaxsga psixologik va jismoniy tazyiq o‘tkazish, shuningdek, unga nisbatan boshqa g‘ayriinsoniy va noqonuniy usullarni qo‘llashning oldini oladi.
Izoh (0)