O‘zbekistonda 700 mingga yaqin avtomobil majburiy texnik ko‘rikdan o‘tmagan

Oliy Majlisi Senati Mudofaa va xavfsizlik masalalari qo‘mitasida “Avtomobil yo‘llarida yo‘lovchilar xavfsizligini ta’minlashning dolzarb masalalari: amaliyot va istiqboldagi vazifalar” mavzusida davra suhbatida bo‘lib o‘tdi, deb xabar beradi O‘zA.

Ma’lum bo‘lishicha, 2018-yilning 9 oyi davomida jami 700 000 ga yaqin avtomashinalar majburiy texnik ko‘rikdan o‘tmagani ma’lum bo‘ldi.

2018-yilning 9 oyi davomida o‘tgan davriga nisbatan respublika hududida sodir etilgan yo‘l-transport hodisalari 9,7% ga, ularda halok bo‘lganlar soni 7,8% ga, jarohatlanganlar soni 12,2% ga kamaygan.

Anjumanda haydovchilar tomonidan belgilangan tezlikni oshirish, mast holda rulga o‘tirish kabi qoidabuzarliklarning ko‘payishi oqibatida Jizzax, Navoiy, Qashqadaryo, Andijon kabi qator viloyatlarda noxush voqealar ko‘paygani qayd etildi.

Senat a’zolari, qator vazirlik va idoralar vakillari anjumanda ko‘rib chiqilgan masalalar bo‘yicha tegishli tavsiyalar qabul qilindi.