Jizzax viloyat IIB YoXB, Favqulodda vaziyatlar boshqarmasi, gaz va elektr idoralari, Yong‘inga qarshi kurashish jamiyati, mahalla fuqarolar yig‘ini, uy-joy mulkdorlari shirkatlari raislari va boshqa daxldor tashkilot xodimlari bilan o‘tkazilayotgan profilaktik tadbirlar davomida viloyat hududida joylashgan 671 ta ko‘p qavatli uylardagi 8591 ta xonadonlar, 45979 ta yakka tartibdagi aholi xonadonlarining yong‘in xavfsizligi holati tekshirib chiqildi. Bu haqda viloyat IIB matbuot xizmati xabar berdi.
O‘tkazilgan tekshiruvlar jarayonida jami 1307 ta kamchiliklar aniqlanib, 1172 tasi, shulardan ko‘p qavatli uylarda 259 ta nosoz dudburonlarning 254 tasi ta’mirlanishiga erishildi, 48 ta holatda nostandart shlang bilan gaz tarmog‘iga ulanish holati aniqlanib, barcha tarmoqdan uzib qo‘yildi. Yakka tartibdagi aholi turar joylarida uylarda 837 ta nosoz dudburonlarning 708 tasi ta’mirlanishiga erishildi, 152 ta holatda nostandart shlang bilan gaz tarmog‘iga ulanish holati aniqlanib, barcha tarmoqdan uzib qo‘yildi.
Aholi turar joylarida o‘tkazilgan tekshiruvlarda yong‘in xavfsizligi qoidasini buzgan jami 125 nafar fuqarolarga nisbatan 2 837117 so‘mlik ma’muriy jarimalar qo‘llanildi. 260 ta nosoz elektr moslama, agregatlardan foydalanish ta’qiqlandi. Aniqlangan kamchiliklarni bartaraf etish maqsadida 171 marotaba mahallalarda muhokama yig‘ilishlar o‘tkazildi.
Is gazidan zaharlanish va halok bo‘lish holatlarini oldini olish borasida 376 marotaba mahallalarda 14127 nafar fuqarolar bilan, 23 marotaba xususiy uy-joy mulkdorlar shirkatida 841 nafar fuqarolar bilan hamda 345 marotaba davlat tasarrufidagi maskanlarda 25888 nafar ishchi-xizmatchilar, o‘quvchi va yoshlar bilan uchrashuvlar o‘tkazilib, yo‘riqnomalar berildi.
O‘tkazilayotgan profilaktik tadbir boshidan buyon 24 marotaba teleko‘rsatuv, 49 marotaba radioeshittirish va 11 marotaba maqolalar chop etilishiga erishildi.
Bugungi kunda hamkor tashkilotlar bilan aholi xonadaonlarida fuqarolarning is gazidan zaharlanish, yong‘inlarni oldini olish borasida olib borilayotgan profilaktik tadbirlarga qaramasdan bir qator ko‘ngilsiz hodisalar sodir bo‘lmoqda.
Joriy yil noyabr oyi davomida 3 ta holatda 9 nafar fuqarolarning is gazidan zaharlanish holati hamda dekabr oyining o‘tgan 4 kuni davomida 1 ta holatda 3 nafar fuqarolarning is gazidan zaharlanishi va 3 ta holatda 4 nafar fuqarolarning zaharlanib vafot etish holati qayd etildi.
Bu kabi salbiy holatlarning oldini olish, viloyat hududidagi mahallalarda va aholi turar joylarida sodir bo‘lishi mumkin bo‘lgan yong‘inlar, gaz va havo aralashmasining chaqnashi, fuqarolarni is gazidan zaharlanishi va boshqa noxush holatlarni oldini olish borasida olib borilayotgan profilaktik tadbirlarni yanada kuchaytirish maqsadida komissiya tomonidan bir qator yangi vazifalar belgilandi.
Jumladan,
- davlat yong‘in xavfsizligi xizmati, favqulodda vaziyatlar boshqarmasi, gaz idoralari, elektr ta’minoti xizmati, yong‘inga qarshi kurashish jamiyati va boshqa daxldor tashkilotlar xodimlari bilan hamkorlikda yong‘inlarni, gaz va havo aralashmasining chaqnashi, fuqarolarni is gazidan zaharlanishi va boshqa noxush holatlarni oldini olish borasida amalga oshirilishi lozim bo‘lgan profilaktik tadbirlar rejasi ishlab chiqish, ijrosini ta’minlash borasida kundalik amalga oshirilgan ishlarni umumlashtirish va tahlil qilish maqsadida tezkor shtab va uning ishchi guruhlarini tuzish; har bir tumanlarda davlat yong‘in xavfsizligi xizmati, gaz idoralari, elektr ta’minoti xizmati, yong‘inga qarshi kurashish jamiyati, favqulodda vaziyatlar boshqarmasi va boshqa daxldor tashkilotlar xodimlaridan iborat ishchi guruhlar tuzish.
- Ishchi guruhlar tomonidan profilaktik tadbirlarni olib borishda bir qator dolzab vazifalar yuklatildi. Jumladan, fuqarolarga gaz ballonlardan, gaz va elektr moslamalaridan xavfsizlik qoidalari talablariga asosan to‘g‘ri foydalanish, bunday moslamalarni yoqiq holatda uzoq muddatga qoldirmaslik, isitish pechlarning mo‘rikonlarini sozligini doimiy nazorat qilinishi, nosoz, qo‘lbola va o‘zboshimchalik bilan o‘rnatilgan gaz va elektr uskunalaridan foydalanmaslik to‘g‘risida hamda yong‘in xavfsizligi qoidalari talablariga doimo rioya qilish yuzasidan tushuntirishlar berish; ro‘yxatga olingan qarovchisi yo‘q, spirtli ichimliklarga ruju qo‘ygan, yolg‘iz yashovchi qariya va nogironlar hamda ruhiy
- kasalliklar dispanserlari ro‘yxatida turuvchi fuqarolarning yashash joylariga alohida e’tibor qaratilib, ular bilan profilaktik suhbatlar o‘tkazish va boshqalar.
Izoh (0)