Sirdaryo viloyat ichki ishlar organlarining tergov, jinoyat qidiruv va huquqbuzarliklar profilaktikasi sohasida na’munali xizmat olib borayotgan xodimlari o‘rtasida tanlov o‘tkazildi. Bu haqda viloyat IIB matbuot xizmati xabar berdi.
Tanlov “Eng yaxshi tergovchi”, “Eng yaxshi tezkor vakil”, “Eng yaxshi profilaktika inspektori” nominatsiyalari bo‘yicha o‘tkazildi.
“Ushbu tanlov Vatan himoyasi, yurt tinchligi hamda davlat kelajagi uchun jonkuyar, olijanob o‘z burchini sidqidildan bajaradigan fidoiy, vijdonli xodimlarni tarbiyalash maqsadlariga qaratildi. Yana bir muhim jihati shundan iboratki, faxrli o‘rinlarni egallagan xodimlarning ota-onalari Ichki ishlar idoralari xodimlarining xalq oldidagi nufuzini ko‘tarish va ularga bo‘lgan ishonchni mustahkamlash, Vatan oldidagi burchini sadoqat bilan bajaradigan farzandlar tarbiyalagani uchun boshqarma boshlig‘i tomonidan sovg‘alar bilan taqdirlandi”, — deyiladi xabarda.
Izoh (0)