Shu yilning 20-noyabr kuni Namangan viloyatining Yangiqo‘rg‘on tumanida yashagan D.T.ning uyidan tashqi ko‘rinishidan jarohatsiz jasadi topilgan. Bu haqda IIV Jamoatchilik va ommaviy axborot vositalari bilan aloqalar boshqarmasi xabar berdi.
O‘tkazilgan sud-tibbiy ekspertizasining xulosasiga ko‘ra, u boshining ichki qismiga yetkazilgan jarohatdan vafot etganligi aniqlangan. Ko‘rilgan choralar natijasida shu yilning 15-noyabr kuni marhum D.T.ning akasi U.T. uyida o‘zaro janjal tufayli uni yuzi va boshiga qo‘llari bilan urib, jarohat yetkazganligi aniqlanib, ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.