Qoraqalpog‘iston Respublikasi Adliya vazirligi Nodavlat notijorat tashkilotlar bo‘limi tomonidan 2018-yil 16-noyabr kuni Hududlarni iqtisodiy rivojlantirishga ko‘maklashish Markazining Qoraqalpog‘iston bo‘limi davlat ro‘yxatidan o‘tkazildi. Ushbu tashkilotning asosiy maqsadi Qoraqalpog‘iston Respublikasida ziyolilar salohiyatini birlashtirish, tadqiqot ishlarini olib borish orqali hududni iqtisodiy rivojlantirishga va modernizatsiyalashga ko‘maklashishdan iborat. Bu haqda Qoraqalpog‘iston Respublikasi Adliya vazirligi xabar berdi.
Ma’lumki, mamlakat Prezidenti Sh.M.Mirziyoyevning joriy yilning 15—16-noyabr kunlari Qoraqalpog‘iston Respublikasiga tashrifi davomida bir qator ustuvor vazifalar belgilab berildi.
Markazning asosiy vazifalari quyidagilardan iborat:
- kelajakda mazkur markaz mahalliy hokimiyat organlariga hududlarni iqtisodiy rivojlantirishga qaratilgan dasturlarni ishlab chiqish va ularni amalga oshirishga yordam berish;
- aholining iqtisodiy faolligi va tadbirkorlar mas’uliyatini yuksaltirishga qaratilgan davra suhbatlari, treninglar o‘tkazish, hududda investitsion muhitni yaxshilash va hududlarga investitsiyalar jalb qilishga va eksport salohiyatini rivojlantirishga;
- hududlarda innovatsion tadbirkorlikni rivojlantirish va iqtisodiy “texnopolis” va “klaster”larni rivojlantirishga ko‘maklashishdir.
Izoh (0)