Toshkent davlat yuridik universitetida mamlakatdagi birinchi “Intellektual mulk” kafedrasi ochiladi

Toshkent davlat yuridik universitetida 22-noyabr kuni mamlakatdagi birinchi “Intellektual mulk” kafedrasi rasman ochiladi, deb yozadi “Podrobno.uz”.

U O‘zbekiston Adliya vaziri Ruslanbek Davletov va Jahon intellektual mulk tashkiloti (JIMT) bosh direktori Frensis Garrining birgalikdagi tashabbusi doirasida tashkil qilindi.

Kafedra intellektual mulk sohasida mutaxassislarni tayyorlash, o‘quv-uslubiy asosni yaratish, ta’lim faoliyati sohasida JIMT bilan hamkorlikni tashkillashtirish, chet ellik ekspertlarni jalb qilish, shuningdek, O‘zbekiston vakillarini Turin (Italiya)dagi JIMT akademiyasida o‘qitishni tashkil qilish vazifalarini bajaradi.

Kafedra o‘z faoliyatini O‘zbekiston Intellektual mulk agentligi bilan yaqin hamkorlikda amalga oshiradi.