Shavkat Mirziyoyev Qozog‘iston prezidenti Nursulton Nazarboyev bilan telefon orqali muloqotda bo‘ldi. Bu haqda Prezident matbuot xizmati xabar berdi.
Suhbat davomida davlat rahbarlari oliy darajadagi kelishuvlarning amalga oshirilishi jarayonlarini muhokama qildi. Shuningdek, bo‘lajak hamkorlikdagi tadbirlar jadvali ko‘rib chiqildi.
Mintaqaviy va xalqaro kun tartibidagi dolzarb masalalar, xususan, 2019-yilda O‘zbekistonda o‘tkaziladigan Markaziy Osiyo davlatlari rahbarlarining ikkinchi maslahatlashuv uchrashuviga tayyorgarlik yuzasidan fikr almashildi.
Tomonlar joriy yil 15-noyabr kuni Chimkent shahrida ilk mintaqalararo forum muvaffaqiyatli o‘tganini mamnuniyat bilan qayd etdi. Ikki mamlakat o‘rtasidagi o‘zaro hamkorlik aloqalari yanada rivoj topishiga ishonch bildirdi.
Izoh (0)