Janubiy Koreyada O‘zbekiston-Koreya biznes markazi ochildi

9-noyabr kuni Koreya Respublikasining Inchon shahrida birinchi koreys-o‘zbek biznes markazining ochilish marosimi bo‘lib o‘tdi, deb yozadi UzDaily.

Tadbir doirasida O‘zbekiston elchixonasi va Koreya importchilar uyushmasi (KOIMA) o‘rtasida Hamjihatlik to‘g‘risida memorandum imzolandi. Ushbu hujjat o‘zbek mahsulotini Koreya bozoriga yetkazib berish hajmini oshirish, O‘zbekistondan eksport qilinayotgan mahsulotlar nomenklaturasini kengaytirishni birgalikda o‘rganish, O‘zbekistonga KOIMA savdo missiyalarini tashkillashtirish va boshqalarni ko‘zda tutadi.

Biznes markazda namoyish zaliga ega “shou-rum” doimiy ravishda faoliyat yuritadi, u yerda esa to‘qimachilik, ipakchilik, kimyoviy, vino-vodka, meva-sabzavot mahsulotlari, sopol va yog‘och buyumlar, zargarlik buyumlaridan iborat o‘zbekistonlik ishlab chiqaruvchilar mahsulotlari keng turda taqdim etiladi.