Fransiya prezidenti Emmanuel Makron Internetni boshqarish bo‘yicha xalqaro forumda “Kiberhududda ishonch va xavfsizlikka Parij chaqiruvi” deb nomlangan hujjatni taqdim etdi. Bu haqda Spot xabar bermoqda.
Internetni “yengil boshqarish”ga qaratilgan memorandumni Belgiya, Kanada, Fransiya, Daniya, Italiya, Yaponiya, Islandiya kabi mamlakatlar, yuzlab tijorat va notijorat tashkilotlar qo‘llab-quvvatlandi, jami 370 dan ortiq imzo yig‘ildi.
O‘zbekiston mazkur hujjatga qo‘shilgan Markaziy Osiyodagi yagona va MDHdagi Armanistondan keyingi ikkinchi davlat bo‘ldi. Rossiya, Xitoy va AQSh ushbu ro‘yxatda yo‘q.
Fransiya prezidentiga ko‘ra, Internetni boshqarishning ikki — umuman nazorat ko‘zda tutilmagan Kaliforniya va davlat tarmoqni to‘liq nazorat qiladigan Xitoy yondoshuvi mavjud. Ikki yondoshuvning ham tarafdori bo‘lmagan Makron taklif etgan memorandumda davlat fuqarolarni zararli kontentlardan (terrorizm, bolalar pornografiyasi, diniy va irqiy kamsitish va hokazo) himoya qilishi ko‘zda tutilgan.
Izoh (0)