“Mening fikrim” jamoaviy murojaatlar portaliga “Toshissiqquvvati” DUKga atalgan, issiq suv hisoblagichlarini termodatchiklar bilan jihozlash taklifi joylandi, deb yozadi Repost.

Muallifning so‘zlariga ko‘ra, bu suv hajmi va haroratini o‘lchab, ma’lumotlarni qayd etish imkonini beradi. Buning sababi shundaki, yetkazib beruvchi iste’molchini +50 darajadan past bo‘lmagan issiq suv bilan ta’minlash majburiyatini olgan.

Taklifga ko‘ra, agar harorat me’yorga to‘g‘ri kelmasa, to‘lov sovuq suv to‘lovi sifatida olinadi. O‘zbekiston hududida termodatchik o‘rnatilgan issiq suv hisoblagichlarini sertifikatlashtirish va o‘rnatishga ruxsat berish haqidagi taklif Oliy Majlisga ko‘rib chiqish uchun kiritilishi uchun 10 000 ta ovoz talab etiladi. Hozircha 376 ta ovoz to‘plangan.