Fransiyaning Qohiradagi Sharqiy arxeologiya universiteti va Angliyadagi Liverpul universiteti olimlari qadimgi misrliklar piramidalarni qurishda foydalangan qurilmani topdi. Bu haqda “RIA Novosti” xabar berdi.
Misrliklar alebastr qazib olgan Luksorga yaqin joylashgan karyeralardan birida arxeologlar nishab yo‘l izlarini topdi. Bu yo‘ldan katta yuklarni ko‘tarishda foydalanilgan bo‘lishi mumkin. Topilmaning taxminiy yoshi 4,5 ming yildan ortiqni tashkil qiladi.
Konstruksiya markazida nishab maydon joylashgan, uning ikki tomonida zinalar va o‘yiqlar joylashgan. O‘yiqlarga yog‘och ustunlar qo‘yilgan va ularning atrofiga arqonlar bog‘langan. Ko‘p tonnali bloklar yog‘och ustunlarga mahkamlangan. Shundan keyin quruvchilar arqonlarga osilgan va bloklarni maydon bo‘ylab 20 daraja qiyalik ostida harakatlantirgan.
Avvalroq olimlar qadimgi misrliklarning bunday qurilmalardan foydalanganligini taxmin qilgan, biroq bunday tizimni birinchi marta topgan.
Izoh (0)