Olimlar jismoniy yuklama xotirani yaxshilashga yordam berishini aniqladi

Kolumbiya universiteti tadqiqotchilari suyak to‘qimalari ishlab chiqaradigan ostekaltsin gormoni xotira jarayonlariga ijobiy ta’sir ko‘rsatishini aniqladi. Bu haqda “RIA Novosti” xabar berdi.

Yosh o‘tgani sari organizmdagi ostekaltsin miqdori pasayadi. Biroq shifokorlarning ishonch bildirishicha, uning darajasini yurish kabi yengil yuklamalar yordamida saqlab turish mumkin.

Avvalroq olimlar jismoniy faollik keksa kishilarda xotira yo‘qolishiga qarshilik qiluvchi RbAp48 oqsillarining ajralib chiqishiga imkon berishini aniqlagan.

Yangi tadqiqot doirasida biologlar aynan RbAp48 va ostekaltsinning o’zaro harakati xotira yaxshilanishiga ta’sir qiluvchi asosiy omil ekanligini isbotladi.