Франциянинг Қоҳирадаги Шарқий археология университети ва Англиядаги Ливерпуль университети олимлари қадимги мисрликлар пирамидаларни қуришда фойдаланган қурилмани топди. Бу ҳақда «РИА Новости» хабар берди.
Мисрликлар алебастр қазиб олган Луксорга яқин жойлашган карьералардан бирида археологлар нишаб йўл изларини топди. Бу йўлдан катта юкларни кўтаришда фойдаланилган бўлиши мумкин. Топилманинг тахминий ёши 4,5 минг йилдан ортиқни ташкил қилади.
Конструкция марказида нишаб майдон жойлашган, унинг икки томонида зиналар ва ўйиқлар жойлашган. Ўйиқларга ёғоч устунлар қўйилган ва уларнинг атрофига арқонлар боғланган. Кўп тоннали блоклар ёғоч устунларга маҳкамланган. Шундан кейин қурувчилар арқонларга осилган ва блокларни майдон бўйлаб 20 даража қиялик остида ҳаракатлантирган.
Аввалроқ олимлар қадимги мисрликларнинг бундай қурилмалардан фойдаланганлигини тахмин қилган, бироқ бундай тизимни биринчи марта топган.
Изоҳ (0)