Rossiya va O‘zbekistonning qo‘shma loyihasi — dunyoning eng yirik radioteleskopini qurish ishlari tez orada yakunlanadi, shundan keyin astronomlar galaktikalararo yo‘laklarni o‘rganish imkoniga ega bo‘ladi. Bu haqda “Izvestiya” nashri ma’lum qildi, deya xabar beradi Spot.
Xalqaro rasadxona maydoni O‘zbekistonning Suffa platosi bo‘lib, 70-metrlik radioteleskopning qurilish ishlari 1980-yillarda boshlangan edi.
Loyihani yakunlash uchun 60,5 million dollar kerak bo‘ladi. Dastlabki kuzatishlar 2023-yildan keyin amalga oshiriladi.
“Millimetrik to‘lqin uzunligi oralig‘i bizga, masalan, yulduzlarning kelib chiqish hududlarini, uzoq galaktikalar yadrosini, asosan, olamning uzoq o‘tmishini ko‘rish imkonini beradi”, — deydi Rossiya fanlar akademiyasi vitse-prezidenti Yuriy Balega.
Dengiz sathidan 2,5 ming metrdan ortiq balandlikdagi Suffa platosida yil davomida quyosh charaqlaydi, siyraklashgan havo va atmosfera radiosignallarining kam darajada yutilishini ta’minlaydi.
Rossiya hududida, ya’ni Qrimda shu kabi 22 metrlik qurilma bor, lekin u kamida 3 millimetr to‘lqin uzunligi doirasida ishlaydi.
Izoh (0)