25-oktabr kuni soat 09:28 da Husayn Boyqaro mahallasining Husayn Boyqaro ko‘chasi, 13-uyda joylashgan “Suvmash” AJ hududida ijara asosida faoliyat olib boruvchi “Izopanel” MChJ ga qarashli sendvich-penoplast ishlab chiqarish sexida yong‘in chiqqan. Natijada 150 kv metr maydondagi penoplast xomashyosi va ishlab chiqarish uskunalari yongan. Bu haqda Turon 24 xabar berdi.
Taxminlarga ko‘ra, payvandlash ishlari jarayonida xavfsizlik qoidalariga rioya qilinmagani yong‘inga sabab bo‘lgan.
Oltita yong‘in o‘chirish ekipaji soat 09:32 da voqea joyiga yetib borgan va 09:56 da yong‘in o‘chirilgan.
