Joriy yilning 20-oktabr kuni 1895-yilda qurilgan Rossiya imperiyasi Davlat bankining sobiq Toshkent filiali binosida muzey ekspozitsiyasi ochildi. Hozirgi kunda ushbu binoda “O‘zsanoatqurilishbank” ATBning Mirzo Ulug‘bek filiali faoliyat ko‘rsatmoqda.
Ekspozitsiyaning ochilish marosimida “O‘zsanoatqurilishbank” ATBning rahbariyati, bank hamkorlari, ommaviy axborot vositalari va bloggerlar ishtirok etdilar. Tadbir mehmonlari o‘lkashunos-tarixchi Boris Golender hamrohligida binoning noyob arxitekturasi va ichki ko‘rinishi bilan tanishdilar.
«Bank binosi tarixi - Rus arxitekturasining yorqin namunasi bo‘lib, bank ishi tarixi bilan uzviy bog‘liqdir. 123 yil mobaynida bu yerda bank-moliyaviy muassasalari: avval Rossiya imperiyasi davlat bankining mintaqaviy bo‘limi, 1922-yildan boshlab esa “Sanoatbank”ning O‘rta Osiyo bo‘limi joylashgan edi, keyinchalik esa u “O‘zsanoatqurilishbankka” aylandi. O‘tgan vaqt davomida bankda xizmat qilgan har bir xodim binoning ichki va tashqi ko‘rinishini asl holatda saqlab qolishga harakat qilgan. Bugungi kunda bu to‘liq faoliyat ko‘rsatuvchi bank bo‘limi bo‘lib, uning eshiklari nafaqat mijozlar uchun, balki tarix va arxitekturani sevib, qadrlaydiganlar uchun hamochiqdir. “O‘zsanoatqurilish” banki uchun poytaxtimizning tarixiy qiyofasini saqlab qolish bilan birga, uning arxitektura merosi bilan tanishish istagini bildirganlar uchun shunday imkoniyat yaratib berish juda ham muhimdir,»- deydi “O‘zsanoatqurilishbank” ATBning strategiya va marketing boshqarmasi rahbari Otabek Abdurahimov.
XIX asr oxirida me’mor V.Geynzelman loyihasi bilan qurilgan ikki qavatli bino Amir Temur hiyoboni ansamblining bir qismi hisoblanadi. Mutaxassislarning ta’kidlashlaricha, bank binosi bizning kunlarimizga deyarli o‘zgarmagan shaklda yetib kelgan. Bankning tashqi ko‘rinishi o‘sha davr binolariga xos neoklassitsizm uslubida qurilgan. Bankning ichki ko‘rinishi – Rossiya Imperiyasi Davlat banki davridan buyon saqlanib qolgan qismlar to‘plamidan iborat bo‘lib, hozirgi vaqtga kelib qayta tiklangan. Saqlanib qolgan polning qismini takrorlovchi plita naqshlari, gipsli shiftning plintusi qayta tiklandi. O‘zsanoatqurilish bankiga tashrif buyurgan mehmonlar XIX asrning asl me’moriy elementlarini: devoriy pech o‘txonasi eshiklari, Frans San-Galli cho‘yan quyish va mexanika zavodining katta eshiklari, pul va boshqa mollarni ko‘tarish mexanizmi shular qatoridan o‘rin olgan. Amaliyot xonasida mehmonlar Rossiya imperiyasi davrida O‘zbekistonning oq-qora rangdagi fotosuratlari: Toshkent davlat bankining binosi, Qo‘qondagi Moskva hisob palatasi, Samarqanddagi g‘azna, Nikolayev, Romanovskiy ko‘chalari, Kaufman katta ko‘chasi va boshqalar bilan tanishish mumkin. Muzey ekspozitsiyasida bir qator tarixiy eksponatlar mavjud: telefon, yozuv mashinkalari, davlat kredit kartalari.
Ma’lumot uchun:
“O‘zsanoatqurilishbank” ATB O‘zbekistondagi eng qadimgi moliya institutlaridan biri. Uning tarixi 1922-yilda Toshkentda Sanoatbankning O‘rta Osiyo bo‘limi ochilishidan boshlanadi. Bankning mamlakatimizda 45 ta filiali mavjud. Eng yirik aksiyadorlari — O‘zbekiston Respublikasi Moliya vazirligi, Tiklanish va taraqqiyot jamg‘armasi, shuningdek iqtisodiyotning asosiy tarmoqlaridagi korxonalardir.
Bankning barqaror rivojlanishi xalqaro reyting kompaniyalari tomonidan tasdiqlangan. Nufuzli “FitchRatings” xalqaro reyting agentligi O‘zsanoatqurilishbank reytingini yana bir bor “Barqaror” prognozi bilan “B+/B” darajasida tasdiqladi. Hisobot yilida yana bir nufuzli reyting agentligi Standard&Poor‘s bankka xuddi shu tarzdagi baxoni taqdim etdi.
Bank xizmatlari milliy iqtisodiyotning barcha tarmoqlaridagi mijozlarni qamrab oladi. “O‘zsanoatqurilishbank” an’anaviy bank xizmatlarining 50 dan ortiq turini va zamonaviy bank mahsulotlarining boshqa turlarini taklif etadi.
Reklama huquqi asosida
Izoh (0)