Россия ва Ўзбекистоннинг қўшма лойиҳаси — дунёнинг энг йирик радиотелескопини қуриш ишлари тез орада якунланади, шундан кейин астрономлар галактикалараро йўлакларни ўрганиш имконига эга бўлади. Бу ҳақда «Известия» нашри маълум қилди, дея хабар беради Spot.
Халқаро расадхона майдони Ўзбекистоннинг Суффа платоси бўлиб, 70-метрлик радиотелескопнинг қурилиш ишлари 1980 йилларда бошланган эди.
Лойиҳани якунлаш учун 60,5 миллион доллар керак бўлади. Дастлабки кузатишлар 2023 йилдан кейин амалга оширилади.
«Миллиметрик тўлқин узунлиги оралиғи бизга, масалан, юлдузларнинг келиб чиқиш ҳудудларини, узоқ галактикалар ядросини, асосан, оламнинг узоқ ўтмишини кўриш имконини беради», — дейди Россия фанлар академияси вице-президенти Юрий Балега.
Денгиз сатҳидан 2,5 минг метрдан ортиқ баландликдаги Суффа платосида йил давомида қуёш чарақлайди, сийраклашган ҳаво ва атмосфера радиосигналларининг кам даражада ютилишини таъминлайди.
Россия ҳудудида, яъни Қримда шу каби 22 метрлик қурилма бор, лекин у камида 3 миллиметр тўлқин узунлиги доирасида ишлайди.
Изоҳ (0)