Turkiyalik shifokorlar — ginekolog Ali Enver Kurt va onkolog Tayfun Xanjilar O‘zbekistonga tashrif buyuradi va Toshkentda tekin ko‘riklar o‘tkazadi. Bu haqda tibbiyot mutaxassislarining tashrifini tashkil etayotgan Remed Health kompaniyasi ma’lum qildi, deb yozadi “Gazeta.uz”.
Doktor Ali Enver Kurt Jerraxpasha Istanbul universitetining tibbiyot fakultetini tamomlagan. Bepushtlikni davolash va ekstrakorporal urug‘lantirish bo‘yicha mutaxassis shifokor 19, 20-noyabr kunlari Clinic Pro klinikasida ikki kunlik konsultatsiyalar o‘tkazadi.
Doktor Tayfun Xanjilar 21—22-noyabr kunlari Clinic Pro klinikasida bemorlarni qabul qiladi. U radiatsion onkologiya, jumladan o‘pka, sut bezi, bosh va bo‘yin o‘simtalari hamda boshqa murakkab o‘simtalar radiojarrohligi bo‘yicha muaxassis hisoblanadi.
Turkiyalik mutaxassislar qabuliga kirish uchun Remed Health saytida ro‘yxatdan o‘tish kerak bo‘ladi.
Izoh (0)