Kecha, 11-oktabr sanasida FIFA kunlari doirasida bir nechta uchrashuvlar bo‘lib o‘tdi. Ba’zi terma jamoalar Millatlar Ligasida navbatdagi tur bahslarini o‘tkazishgan bo‘lsa, ba‘zilari o‘rtoqlik uchrashuvlarida maydonga tushdi.
Jumladan, Osiyo qit’asi vakili Iroq o‘z maydonida Argentinani qabul qilib, 0:4 hisobida mag‘lubiyatga uchradi. Garet Beylsiz Uels terma jamoasi Ispaniyaga qarshi maydonga tushib, 1:4 hisobida yirik mag‘lubiyatni qabul qilib oldi. Ispanlar tarkibida Pako Alkaser dublga erishdi. Serxio Ramos va Mark Bartra ham o‘z nomini tabloga yozdirib qo‘yishga erishdi. Mezbonlarning javob goli Sem Vouks hisobiga yozildi.
Fransiya terma jamoasi Islandiyga qarshi bahsda 0:2 hisobida ortda borib, yakunda 2:2 hisobida durang o‘ynadi. 30-daqiqada Byarnason hisobni ochgan bo‘lsa, 58-daqiqada Arnason hisobni 0:2 ko‘rinishiga keltirdi. 86-daqiqada esa Eyelfsson o‘z avtogoli bilan Fransiyaga yordam berib yuborgan bo‘lsa, 90-daqiqad Kilian Mbappe penaltidan gol urib, Fransiyani mag‘lubiyatdan qutqarib qoldi.
O‘rtoqlik uchrashuvlari
11-oktabr, payshanba
BAA – Honduras 1:1
Gollar: 0:1—18 Kioto, 1:1—32 Umar Abdurahmon.Bahrayn – Suriya 0:1
Gol: 0:1—30 Umar as-Soma.Turkiya – Bosniya va Gersegovina 0:0
Iroq – Argentina 0:4
Gollar: 0:1 – 18 Martines, 0:2 – 53 Pereyra, 0:3 – 82 Pesselya, 0:4 – 90 Servi.Uels – Ispaniya 1:4
Gollar: 0:1 – 8 Pako Alkaser, 0:2 – 19 Ramos, 0:3 – 29 Pako Alkaser, 0:4 – 74 Bartra, 1:4 – 89 Vouks.Fransiya – Islandiya 2:2
Gollar: 0:1 – 30 Byarnason, 0:2 – 58 Arnason, 1:2 – 86, avtogol Eyelfsson, 2:2 – 90, penalti Mbappe.12-oktabr, juma
Izoh (0)