Kecha, 8-oktabr sanasida “Yuventus” hamda Portugaliya terma jamoas hujumchisi Krishtianu Ronaldu yana bir ayolni zo‘rlashda gumon qilinayotgani haqida xabar berilgandi. Ma‘lum bo‘lishicha, ularning soni uch nafarga yetdi. Bu haqda The Sun nashri xabar tarqatdi.
Krishtianu Ronaldu ustidan arz qilgan amerikalik model Ketrin Mayorganing advokati Lesli Stovellga Ronalduni zo‘rlashda ayblab yana uch ayol murojaat qilgan. Advokat so‘zlariga ko‘ra ular ham portugaliyalik futbolchidan Mayorga singari aziyat chekkanini ma‘lum qilgan. Lesli hozirda ular bergan ma‘lumotlarni tekshirayotganini aytdi.
Ma‘lumot uchun, Mayorga Krishtianu Ronaldu uni 2009-yil 13-iyunida Las-Vegasdagi mehmonxonalarning birida zo‘rlagani haqida ma‘lum qilgach, Las-Vegas politsiyasi Ronalduga qarshi ishni qayta ko‘rib chiqishni boshladi. Uning so‘zlariga ko‘ra, ayol zo‘rlangan vaqtda uning jim yurishi uchun Ronaldu 375 ming dollar bergan.
Izoh (0)