O‘zbekiston oliy ta’lim muassasalarining bakalavriati va magistraturasiga 2018/2019 o‘quv yilida to‘lov-kontrakt asosida talabalikka tavsiya etilgan abituriyentlar uchun kontrakt miqdorining birinchi yarmini to‘lash muddati 31-oktabrga qadar uzaytirildi.
O‘zbekiston Oliy va o‘rta maxsus ta’lim vazirligidan ma’lum qilishlaricha, ushbu qaror Ta’lim muassasalariga o‘qishga qabul qilish bo‘yicha Davlat komissiyasi tomonidan 5-oktabr kuni qabul qilingan.
Komissiyaning xuddi shu kundagi qarori bilan bakalavriat va magistraturaning ikkinchi va undan yuqori kurs talabalari uchun kontrakt pulini to‘lash mudddati 15-noyabrgacha uzaytirilgan.
Avvalroq komissiya bakalavriat va magistraturaning birinchi kursiga o‘qishga qabul qilingan talabalar uchun kontrakt to‘lovining oxirgi muddatini 15-sentabrdan 30-sentabrga ko‘chirish haqida qaror chiqargan edi.
Ma’lumot uchun, superkontrakt asosida o‘qish istagidagi talabalar uchun to‘lovni amalga oshirishning so‘nggi muddati 31-oktabr hisoblanadi.
Izoh (0)