Ramzan Qodirov Ingushetiyaga urush bilan tahdid qildi
Checheniston rahbari Ramzan Qodirov Ingushetiyaga ikkala hudud o‘rtasidagi chegarani tan olmagan taqdirda, urush bilan tahdid qildi, deb yozadi TJournal. Bu haqda u chechen tilida “Grozniy” davlat teleradiokompaniyasi efirida aytib o‘tdi.
“Xalq qanaqa? Xavfni ko‘rmagan vaqtida qo‘rqmaydi. Xavf tug‘ilishi bilan hammaning tizzalari qaltirab qoladi, xavf uzoqda bo‘lsa, issiqqina divanda o‘tirib, bemalol yozishadi… Quruq safsata sotmang. Hech bo‘lmaganda, Checheniston Respublikasi va xalqiga nisbatan… So‘rovi bor…
Hukumat organlarida ishlovchilar ham oilasi bo‘lgan, o‘tmishi va bugunidan xabardor bo‘lgan odamlar, musulmonlar. Xudo haqi, o‘zingiz uchun muammolar yaratmang… Urush qilish kerak bo‘lsa, bu menga ham to‘g‘ri keladi. Kuchim bor bo‘lsa — orani ochiq qilaman. Kuchim bo‘lmasa — siz orani ochiq qilasiz… Kerak bo‘lganida olijanoblikni ham, saxiylikni ham ko‘rsatamiz. Ammo quruq safsata sotganlar o‘z o‘rnini topadi”, — dedi u.
