BMT xalqaro sudi AQShga nisbatan Eronga qo‘llanilgan sanksiyalarning bir qismini bekor qilishi yuzasidan qaror chiqardi, deb xabar beradi “Kommersant”.
Xabarda ma’lum qilinishicha, AQSh tomonidan qo‘llanilgan Eronga nisbatan sanksiyalar insonparvarlik yordami va fuqaro aviatsiyasi xavfsizligiga ta’sir qilmasligi kerak.
Xalqaro sud a’zolarining ta’kidlashicha, joriy yilning may oyida AQSh prezidenti Donald Tramp ma’muriyati tomonidan Eronga nisbatan qo‘llanilgan sanksiyalar ikki mamlakat o‘rtasida 1955-yilgi Do‘stlik shartnomasini buzilishiga olib keldi.
Eron Tashqi ishlar vazirligi Xalqaro sudning bu qarori bo‘yicha o‘z bayonotini bergan bo‘lib, unda “Eron Islom Respublikasi haq ekanligi yana bir bor isbotlandi va AQShning odamlarimiz va fuqarolarimizga qo‘llagan sanksiyalari noqonuniy va shafqatsizdir”, — jumlalari yozilgan.
Izoh (0)