Janubiy Koreyaning Suvon shahrida navbatdagi professional boks kechasi bo‘lib o‘tdi, deb xabar beradi MOQ matbuot xizmati.
Unda o‘zbekistonlik charm qo‘lqop ustasi Husniddin Po‘latov yarim o‘rta vazn toifasida ringga chiqdi. Mazkur jangda unga indoneziyalik Soxlan Koral raqiblik qildi. 12 raundga mo‘ljallangan bahsda Husniddin 6-raundda raqibini nokautga uchratdi va WBA Asia kamarini qo‘lga kiritdi.
Po‘latov professional ringda jami 14-jang o‘tkazdi. U janglarning 11(so‘nggisi bilan qo‘shganda) tasida g‘alaba qozongan (5 ta nokaut). 3 marotaba esa mag‘lubiyatga uchragan (3 ta nokaut). Indoneziyalik bokschi esa 24 ta jangning 17 tasida g‘alaba, 7 tasida esa mag‘lubiyat qayd etgandi.
Izoh (0)