Dam olish kunlari futbol bo‘yicha Italiya A Seriyasining 4-turi doirasida 9 ta bellashuv bo‘lib o‘tdi.
Turni “Inter”—“Parma” bahsi ochib berdi. Kutilmaganda “Parma” mezbonlarni o‘z uyida Dimarkoning 79-daqiqada kiritgan goli evaziga mag‘lub etib, 3 ochkoga ega bo‘ldi. “Napoli” o‘z uyida “Fiorentina” qabul qilib, Lorenso Insinyening goli evaziga g‘alaba qozondi.
“Roma” “Kyevo” bilan bahsda 2:2 hisobida durang qayd etdi. “Yuventus” o‘z uyida “Sassuolo”ni qabul qilib, Krishtianu Ronalduning dubli evaziga g‘alaba qozondi. Shu tariqa Ronaldu A Seriyadagi gollari hisobini ochib olishga erishdi.
“Milan” “Kalyari” maydoniga safar qilib, 1:1 hisobidagi durangga erishdi. Yozda klubga kelib qo‘shilgan Gonsalo Iguain milanliklarga 1 ochko keltirgan golga mualliflik qildi.
4-turdan so‘ng 12 ochko to‘plagan “Yuventus” musobaqa jadvalida peshqadam bo‘lib turgan bo‘lsa, 9 ochko bilan “Napoli” 2-o‘ringa, 7 ochkosi bor “Sassuolo” esa 3-o‘ringa joylashgan.
A Seriya
4-tur bellashuvlari
15-sentabr, shanba
“Inter” – “Parma” 0:1
Gol: 0:1 – 79 Dimarko.“Napoli” – “Fiorentina” 1:0
Gol: 1:0 – 79 Insinye.“Frozinone” – “Sampdoriya” 0:5
Gollar: 0:1 – 10 Kualyarella, 0:2 – 47 Kaprari, 0:3 – 54 Defrel, 0:4 – 83, penalti Kovnatski, 0:5 – 86 Defrel.16-sentabr, yakshanba
“Roma” – “Kyevo” 2:2
Gollar: 1:0 – 10 Al-Shaaravi, 2:0 – 30 Kristante, 2:1 – 52 Birsa, 2:2 – 83 Stempinski.“Udineze” – “Torino” 1:1
Gollar: 1:0 – 28 de Paul, 1:1 – 49 Meyte.“Jenoa” – “Bolonya” 1:0
Gol: 1:0 – 69 Pentek.“Yuventus” – “Sassuolo” 2:1
Gollar: 1:0 – 50 Ronaldu, 2:0 – 65 Ronaldu, 2:1 – 90 al-Babakar.Chetlatish: Duglas Kosta (90).
“Empoli” – “Latsio” 0:1
Gol: 0:1 – 47 Parolo.“Kalyari” – “Milan” 1:1
Gollar: 1:0 – 4 Joao Pedro, 1:1 – 55 Iguain.17-sentabr, dushanba
Izoh (0)