Fazliddin G‘oibnazarovning navbatdagi jangi sanasi ma’lum, raqib amerikalik

Rio Olimpiadasi chempioni, bugungi kunda professional boksda faoliyat olib borayotgan o‘zbekistonlik bokschi Fazliddin G‘oibnazarov 20-oktabr kuni o‘zining navbatdagi jangini o‘tkazadi, deb xabar beradi MOQ matbuot xizmati.

Fazliddinga prof ringdagi 6-jangida Amerika Qo‘shma Shtatlari bokschisi Uilbert Lopes raqiblik qiladi.

Ma’lumot uchun, Fazliddin shu kungacha professional ringda 5 ta jang o‘tkazib, ularning barchasini o‘z foydasiga hal qilgan. Janglarning 2 tasida nokaut evaziga raqiblarini mag‘lub etgan.

Lopesning tajribasi esa bu borada biroz ko‘proq. U professional ringda 34 ta jang o‘tkazib, ularning 23 tasida g‘alaba qozongan. 15 tasida raqiblarini nokautga uchratgan. 9 ta to‘qnashuvda esa mag‘lubiyatga uchragan. 1 ta jangda muddatidan oldin yutqazib qo‘ygan.