O‘zbekiston Tashqi ishlar vazirligi Toshkentda “Tolibon”ning siyosiy idorasi ochilishi haqidagi xabarlarni rad etdi. Bu haqda, vazirlik vakiliga asoslanib, “RIA Novosti” agentligi xabar bermoqda.
Avvalroq Reuters agentligi “Tolibon” vakiliga asoslanib, O‘zbekiston poytaxtida harakatning siyosiy idorasi ochilishi haqida xabar bergan edi.
“Bu masala muhokama qilinmagan. Hech qanday ofis ochilayotgani yo‘q”, — dedi “RIA Novosti” suhbatdoshi, “Tolibon”ning siyosiy idorasi Toshkentda ochilishi haqidagi xabarlarga munosabat bildirarkan.
Ma’lumot uchun, “Tolibon”ning yagona rasmiy vakolatxonasi Qatar hududida joylashgan. Avvalroq Qatar rasmiylari AQShning iltimosiga ko‘ra “Tolibon” bilan munosabat o‘rnatgani va uning vakillarini o‘z hududida qabul qilganini bildirgan edi.
Ma’lumot uchun, “Tolibon” vakillari 7—10-avgust kunlari Toshkentda bo‘lgani haqida avvalroq O‘zbekiston TIV matbuot xizmati xabar bergan edi. Keyinroq “Tolibon” vakili muzokaralar tafsilotlari haqida axborot bergandi.
Izoh (0)