Bugun,

  • USD 11014.01
  • RUB 191.8
  • EUR 10674.78

Internet nashrlaridan birida e’lon qilingan xabarda Toshkent shahrida R.Ochilovaga nisbatan go‘yo noqonuniy tergov harakatlari olib borilayotgani bildirildi. Bu haqda IIBB axborot-multimedia markazi ma’lum qildi.

Foto: UZ24

Foto: UZ24

Qayd etilishicha, 55 yoshli R.Ochilova o‘zi rahbarlik qilib kelayotgan “Bio-farm Hakim” MChJ va Goods Work Group MChJ o‘rtasida quritish uskunalarini yetkazib berishga oid 65 million so‘mlik qalbaki shartnomani imzolagan. Mazkur holat yuzasidan Yunusobod tuman prokuraturasi tomonidan “Bio-farm Hakim” mansabdor shaxslariga nisbatan Jinoyat Kodeksining 228-moddasi 2 va 3 qismi (Hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, keyingi tergov harakatlarini davom ettirish uchun Toshkent shahar IIBB huzuridagi Tergov boshqarmasiga yuborilgan.

Dastlabki tergov davomida R.Ochilova hujjatlarni qalbakilashtirishdan tashqari, firibgarlik yo‘li bilan fuqarolar K.Bahodir, D.Ilhom va T.Sherzodning katta miqdordagi pul mablag‘larini o‘zlashtirib olgani ma’lum bo‘ldi. Jumladan, gumonlanuvchi R.Ochilova fuqaro K.Bahodirga “Bio-farm Hakim” MChJning 25 foizlik ulushini va’da qilib, undan 26.000 AQSh dollari, D.Ilhomga Xitoy va Tayvandan bioaktiv qo‘shimcha ishlab chiqarishga mo‘ljallangan uskunalarni olib kelish uchun 189.000 dollar va T.Sherzodga birgalikda bioaktiv qo‘shimcha ishlab chiqarishni va’da qilib 252 million 800 ming so‘m miqdorida pul olgan, biroq va’dasini bajarmagan.

Shu yilning 25-iyun kuni ushbu jinoyat ishi bo‘yicha R.Ochilova gumonlanuvchi tariqasida jalb qilinib, Jinoyat-prosyessual kodeksining 227-moddasi tartibida tergovchining qaroriga asosan ushlangan.

27 iyunda esa R.Ochilovaga Jinoyat Kodeksining 168-modda 3-qismi “a” bandi, 168-modda 2-qismi “a,v” bandlari, 228-modda 2-qismi “a,b” bandlari va 228-modda 3-qismi bilan ayblov e’lon qilingan.

R.Ochilovaga nisbatan “qamoqqa olish” tarzidagi ehtiyot chorasini tanlash yuzasidan sud jarayoni jinoyat ishlari bo‘yicha Yunusobod tumani sudida, raislik etuvchi S.Burhonov, sudya yordamchisi I.Muhidov, tuman prokurori yordamchisi J.Usmanov va ayblanuvchining himoyachisi I.Sobirjonov ishtirokida bo‘lib o‘tgan.

Bundan tashqari, tergov organida Sog‘liqni saqlash vazirligining “Bio-farm Hakim” MChJga ovqatga biologik faol qo‘shimchasi ishlab chiqarish uchun 2011-yil 12-may kuni berilgan sertifikatning 2014-yil 22-mart kunida amal qilish muddati tugagani haqidagi xulosasi ham mavjud.

Izoh
Asosiy yangiliklar
Mahalliy
Qurilish vazirligi ogohlantiradi: yangi uy xarid qilayotganda e’tibor berilishi lozim bo‘lgan jihatlar
Mahalliy
“Ba’zida o‘zim ham noto‘g‘ri parkovka qilaman” — Rasul Kusherbayev
Mahalliy
Toshkent shahri bosh rejasining bir qismi 2022-yil oxirigacha yakunlanadi