AQSh Moliya vazirligi ikki turk vaziri — IIV rahbari Suleyman So‘ylu va Adliya vazirligi rahbari Abdulhamit Gyulga qarshi sanksiyalar joriy etdi. Bunga ularning amerikalik pastor Endryu Bransonni ta’qib etishdagi roli sabab bo‘ldi, deb yozadi Meduza.
Foto: “Kp.ru”
Sanksiyalar Soylu va Gyulning AQShdagi mol-mulklari muzlatib qo‘yilishi va amerikalik fuqarolarning ular bilan moliyaviy operatsiyalar o‘tkazishini taqiqlashni anglatadi.
Cheklovlar “Magnitskiy qonuni” doirasida belgilandi. U Moliya vazirligiga inson huquqlarini buzishga daxldor kishilarga qarshi sanksiyalar joriy etish imkonini beradi.
Turkiyada 20 yildan ortiq istiqomat qilgan pastor Endryu Branson muvaffaqiyatsiz davlat to‘ntarishidan bir necha oy o‘tib, 2016-yilda Izmirda qo‘lga olingan edi. Branson Kurdiston ishchi partiyasi va Fathulloh Gyulen tarafdorlari bilan aloqalarda ayblandi.
AQSh Bransonga nisbatan e’lon qilingan ayblovlarni adolatsiz va isbotsiz deb hisoblamoqda. Iyul oyi oxirida AQSh prezidenti Donald Tramp Branson hibsga olinganligi sababli Turkiyaga qarshi sanksiyalar joriy etish bilan tahdid qilgan edi.
