Eronlik matematik Filds mukofotini olganidan yarim soat o‘tib, uning medali o‘g‘irlab ketildi

1-avgust, chorshanba kuni Braziliyaning Rio-de-Janeyro shahrida Xalqaro matematika kongressida Filds mukofoti sovrindorlari e’lon qilindi. Bu haqda Meduza xabar bermoqda.

Matematika sohasidagi Nobel mukofotiga tenglashtiriladigan va 4 yilda bir bor taqdim etiladigan Filds mukofoti 40 yoshdan katta bo‘lmagan matematiklarga beriladi.

2018-yilda mazkur mukofotga bir yo‘la 4 matematik — kelib chiqishi eronlik Kaucher Birkar, italyan Alessio Figalli, avstraliyalik Akshay Venkatesh ham nemis Peter Sholts sazovor bo‘ldi.

Kurd millatiga mansub Kaucher Birkar Iroq-Eron urushi davrida oilasi bilan birga Buyuk Britaniyaga qochib boradi. Hozirda u Britaniya fuqarosi. Kembrij universitetida dars beradi.

Taqdirlash marosimidan yarim soat o‘tib Birkardan Filds medalini o‘g‘irlab ketildi. Qayd etilishicha, olim o‘zining diplomatini taqdirlash o‘tgan joyda nazoratsiz qoldiradi. Unga yaqin joyda esa medal, telefon ham uning hamyoni bo‘lgan. Keyinroq diplomat o‘rindiq tagidan topilgan. Ammo unda medal bo‘lmagan.

Politsiya esa o‘g‘irlikda gumonlanayotgan shaxsni nazorat kameralari orqali aniqlab ulgurganini ta’kidlamoqda.