Bugun,

  • USD 10940.05
  • RUB 182.26
  • EUR 11121.65

Bugun, 15-iyul sanasida futbol bo‘yicha Rossiya maydonlarida 1 oydan beri davom etayotgan 2018-yilgi Jahon Chempionatining final bahsi bo‘lib o‘tdi.

Foto: FIFA

Foto: FIFA

Final uchrashuvida Jahon chempionligi uchun Fransiya hamda Xorvatiya terma jamoalari kurash olib bordi. O‘yinga Moskvadagi “Lujniki” stadioni mezbonlik qildi.

Bellashuvda hisob 18-daqiqada ochildi. Antuan Grizmanning jarimadan uzatgan to‘pini kutilmaganda Mario Manjukich o‘z darvozasiga burib yubordi. 28-daqiqaga kelib, Ivan Perishich kuchli zarbasi bilan hisobni tenglashtirdi. Oradan 10 daqiqa o‘tib esa uchrashuv bosh hakami Nestor Pitana VAR tizimi orqali Xorvatiya darvozasiga penalti belgiladi. 11 metrli jarima zarbasini esa Grizmann aniq amalga oshirdi. Birinchi bo‘lim 2:1 hisobida Fransiyaning g‘alabasi bilan yakunlandi.

Ikkinchi bo‘limning 59-daqiqasida Pol Pogba aniq zarbasi bilan hisobni 3:1 ko‘rinishiga keltirdi. Oradan 6 daqiqa o‘tib, Kilian Mbappe ham o‘z nomini tabloga yozdirib qo‘ydi. 69-daqiqada Mario Manjukich Ugo Lyorisning xatosidan foydalanib, hisobni qisqartirdi.

Shu tariqa final bahsi fransuzlarning 4:2 hisobidagi g‘alabasi bilan yakunlandi.

Bu g‘alaba esa Fransiyani 2-marta Jahon chempioni bo‘lishni ta’minladi. Fransuzlar birinchi marta 1998-yilgi Jahon Chempionatida g‘alaba qozongan edi.

“Daryo” so‘rovnomasi natijasi esa quyidagicha ko‘rinish oldi:

Foto: “Daryo”

Foto: “Daryo”

Jahon Chempionati

Final

15-iyul, yakshanba

Fransiya—Xorvatiya 4:2

Gollar: 1:0 – 18, avtogol Manjukich, 1:1 – 28 Perishich, 2:1 – 38, penalti Grizmann, 3:1 – 59 Pogba, 4:1 – 65 Mbappe, 4:2 – 69 Manjukich.

Fransiya: Lyoris, Varan, Lyuka Ernandes, Pavar, Umtiti, Kante (Nzonzi, 55), Pogba, Matyuidi (Tolisso, 73), Grizmann, Jiru (Fekir, 81), Mbappe.

Xorvatiya: Subashich, Lovren, Strinich (Pyatsa, 81), Vrsalko, Vida, Rakitich, Brozovich, Perishich, Modrich, Rebich (Kramarich, 71), Mandjukich.

Ogohlantirishlar: Kante (27), Lyuka Ernandes (41), Vrsalko (90)

Izoh
Asosiy yangiliklar
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi