Fazliddin G‘oibnazarov aqshlik raqibini mag‘lub etib, prof ringdagi ketma-ket 5-g‘alabasini nishonladi

Bugun, 15-iyul kuni tongda Rio-2016 Olimpiadasi chempioni Fazliddin G‘oibnazarov amerikalik bokschi Kevin Jonsonga qarshi ringga ko‘tarildi.

To‘liq davom etgan jangda g‘olib ochkolar hisobiga ko‘ra aniqlandi.

Hakamlar qaroriga ko‘ra Fazliddin 78:74 hisobida g‘alaba qozondi va navbatdagi g‘alabani qo‘lga kiritdi. Ma’lumot uchun Fazliddin shu kungacha prof ringda to‘rtta jang o‘tkazib, ularning barchasida g‘alaba qozongandi (2 tasida nokaut bilan). Uning raqibi esa beshta jang o‘tkazib, barchasida raqiblarini mag‘lub etgandi (4 tasida nokaut).

Shu tariqa G‘oibnazarovning g‘alabali janglari 5 taga yetdi. Kevin esa faoliyatidagi ilk mag‘lubiyatni qabul qilib oldi.