Бугун, 15 июль санасида футбол бўйича Россия майдонларида 1 ойдан бери давом этаётган 2018 йилги Жаҳон Чемпионатининг финал баҳси бўлиб ўтди.
Финал учрашувида Жаҳон чемпионлиги учун Франция ҳамда Хорватия терма жамоалари кураш олиб борди. Ўйинга Москвадаги «Лужники» стадиони мезбонлик қилди.
Беллашувда ҳисоб 18-дақиқада очилди. Антуан Гризманнинг жаримадан узатган тўпини кутилмаганда Марио Манжукич ўз дарвозасига буриб юборди. 28-дақиқага келиб, Иван Перишич кучли зарбаси билан ҳисобни тенглаштирди. Орадан 10 дақиқа ўтиб эса учрашув бош ҳаками Нестор Питана VAR тизими орқали Хорватия дарвозасига пенальти белгилади. 11 метрли жарима зарбасини эса Гризманн аниқ амалга оширди. Биринчи бўлим 2:1 ҳисобида Франциянинг ғалабаси билан якунланди.
Иккинчи бўлимнинг 59-дақиқасида Поль Погба аниқ зарбаси билан ҳисобни 3:1 кўринишига келтирди. Орадан 6 дақиқа ўтиб, Килиан Мбаппе ҳам ўз номини таблога ёздириб қўйди. 69-дақиқада Марио Манжукич Уго Льориснинг хатосидан фойдаланиб, ҳисобни қисқартирди.
Шу тариқа финал баҳси французларнинг 4:2 ҳисобидаги ғалабаси билан якунланди.
Бу ғалаба эса Францияни 2 марта Жаҳон чемпиони бўлишни таъминлади. Французлар биринчи марта 1998 йилги Жаҳон Чемпионатида ғалаба қозонган эди.
«Дарё» сўровномаси натижаси қуйидагича кўриниш олди:
Жаҳон Чемпионати
Финал
15 июль, якшанба
Франция—Хорватия 4:2
Голлар: 1:0 – 18, автогол Манжукич, 1:1 – 28 Перишич, 2:1 – 38, пенальти Гризманн, 3:1 – 59 Погба, 4:1 – 65 Мбаппе, 4:2 – 69 Манжукич.Франция: Льорис, Варан, Люка Эрнандес, Павар, Умтити, Канте (Нзонзи, 55), Погба, Матюиди (Толиссо, 73), Гризманн, Жиру (Фекир, 81), Мбаппе.
Хорватия: Субашич, Ловрен, Стринич (Пяца, 81), Врсалько, Видa, Ракитич, Брозович, Перишич, Модрич, Ребич (Крамарич, 71), Манжукич.
Огоҳлантиришлар: Канте (27), Люка Эрнандес (41), Врсалько (90)
Изоҳ (0)