“O‘zdonmahsulot”ning sobiq rahbari va uning kuyovi korrupsiyada ayblanmoqda

“O‘zdonmahsulot” xoldingi boshqaruvining sobiq raisi Surat Haydarov poraxo‘rlikda ayblanib hibsga olindi. Bu haqda “Gazeta.uz” xabar bermoqda.

Aytilishicha, Surat Haydarov mansabidan foydalangan holda xolding tizimiga o‘z qarindoshlarini ishga joylagan. Shu yo‘l bilan u pora olish tizimini yaratib olgan. U viloyatlarga chiqib, don mahsulotlari noto‘g‘ri saqlangani uchun pora olgan. Boshqa muammolar ham shu yo‘l bilan hal etilgan.

Tergov “O‘zdonmahsulot” struktur korxonalari rahbarlari tomonidan berilgan pul mukofotlarining umumiy summasini aniqlamoqda.

Ishda Surat Haydarovning kuyovi Jamshid Sharipovning ism-sharifi ham bor — u chet el valyutasida pora olish chog‘ida qo‘lga olingan. U pora evaziga “O‘zdonmahsulot” marketing boshlig‘iga homiylik va daxlsizlik va’da qilgan.

Ayblanuvchilar hibsga olingan.