Buxoro — Miskin temir yo‘l liniyasida yong‘in xavfsizligi kuchaytiriladi va yangi mutaxassislar ishga olinadi. Bu haqda Prezidentning “Buxoro — Miskin temir yo‘l liniyasida transport kommunikatsiyasi xavfsizligini ta’minlash va infratuzilmani rivojlantirish chora-tadbirlari to‘g‘risida”gi qarori loyihasida aytiladi, deb yozadi Sputnik.
Hukumat shu maqsadlarda maxsus ishchi guruhlar va bo‘linmalarni tashkil qilmoqchi, Ichki ishlar vazirligiga esa ikki hafta ichida shtat jadvalini ishlab chiqish va tasdiqlash topshirildi.
Buxoro viloyati Ichki ishlar boshqarmasi va Qoraqalpog‘iston Respublikasi Ichki ishlar vazirligining yong‘in xavfsizligi boshqarmalari huzurida transport obyektlarida yong‘in xavfsizligi guruhlari tashkil etiladi.
Bundan tashqari, bir oy muddatda idoralar mutaxassislari qumtepalarning ta’siri oldini olish bo‘yicha chora-tadbirlar majmuasini va favqulodda vaziyatlarda tadbirlar tizimini ishlab chiqishi kerak.
Izoh (0)