Бухоро — Мискин темир йўл линиясида ёнғин хавфсизлиги кучайтирилади ва янги мутахассислар ишга олинади. Бу ҳақда Президентнинг «Бухоро — Мискин темир йўл линиясида транспорт коммуникацияси хавфсизлигини таъминлаш ва инфратузилмани ривожлантириш чора-тадбирлари тўғрисида»ги қарори лойиҳасида айтилади, деб ёзади Sputnik.
Ҳукумат шу мақсадларда махсус ишчи гуруҳлар ва бўлинмаларни ташкил қилмоқчи, Ички ишлар вазирлигига эса икки ҳафта ичида штат жадвалини ишлаб чиқиш ва тасдиқлаш топширилди.
Бухоро вилояти Ички ишлар бошқармаси ва Қорақалпоғистон Республикаси Ички ишлар вазирлигининг ёнғин хавфсизлиги бошқармалари ҳузурида транспорт объектларида ёнғин хавфсизлиги гуруҳлари ташкил этилади.
Бундан ташқари, бир ой муддатда идоралар мутахассислари қумтепаларнинг таъсири олдини олиш бўйича чора-тадбирлар мажмуасини ва фавқулодда вазиятларда тадбирлар тизимини ишлаб чиқиши керак.
Изоҳ (0)