Mashhur ibora o‘zgardi: Futbolda 22 kishi o‘ynaydi, ammo nemislar har doim ham yutavermaydi

Angliya terma jamoasi sobiq futbolchisi Gari Lineker Germaniya JCh—2018 dagi ishtirokini guruh bosqichida yakunlagach, mashhur iborasiga o‘ziga xos tarzda o‘zgartirish kiritdi.

“Futbol — 22 kishi 90 daqiqa to‘p ortidan yuguradigan oddiy o‘yin, ammo nemislar har doim ham yutavermaydi. Oldingi versiya tarixga aylandi”, — deb yozadi Lineker Twitter’dagi rasmiy sahifasida.

Ma’lumot uchun JCh—1990 ning yarim finalida Angliya Germaniya federativ respublikasiga penaltilar seriyasida yutqazib qo‘ygach, Lineker “Futbol — 22 kishi to‘p ketidan yuguradigan, yakunda esa nemislar g‘alaba qozonadigan oddiy o‘yin”, — deb aytgandi. Keyinchalik uning bu iborasi o‘ta mashhur bo‘lib, ommalashib ketgandi.